REVISTA GALEGA DE TEATRO

Número 61

rgt — Wed, 10 Mar 2010 15:10:34 +0000

CÓMIC
Alberte Bello
EDITORIAL
TEMAS: A estética wabi-sabi e o teatro contemporáneo/ Ana Contreras; Sistema, repertorio e política teatral/ Manuel F. Vieites; Repertorios e creación de públicos/ Pedro Fresneda; Repertorios e creación de públicos/ Ánxeles cuña Bóveda; Repertorios e criaçao de públicos/ Rui Ângelo Araújo.
ESPAZOS: Teatro do oprimido e conciencia de clase. De Paulo Freire a Augusto Boal/ Manuel F. Vieites; Daniel Cortezón e as historias da nación galega/ Manuel F. Vieites; Catro anos da ESAD de Galicia/ Orzo Abruheiras.
EN DANZA: Homenaxe a Merce Cunninhgam/ Ana Serna; Entrevista con Roberto Fratini/ Roberto Pascual.
ENTREVISTAS: Entrevista con Carlos Neira/ Antón Lamapereira; Entrevista con Ana Vallés/ Antón Lamapereira e Manuel Sesma.
FESTIVAIS: O teatro portugués no XXVI FITA / Manuel Sesma; Lanhoff con Lautremont en Almada/ Antón Lamapereira; Galicreques 2009 / Toni Rumbau; IV Festival Galego de Cabaré/ Alberte Bello; XVII Feira Galega das Artes Escénicas de Galicia / Vanesa Sotelo.
ESPECTÁCULOS: Glass City, de Teatro do Noroeste/ Carlos Caetano Biscaínho.
LIBROS
FICHEIRO
AXENDA

TEXTOS TEATRAIS 58
“O Ogrocho”
de Suzanne Lebeau
Tradución do francés ao galego
Henrique Harguindey Banet

HISTORIA DA R.G.T.

rgt — Tue, 16 Oct 2007 19:30:55 +0000

Antecedentes de RGT

A Revista Galega de Teatro ten unha “prehistoria” que hai que rastrexar no Boletín de Información Teatral da Escola Dramática Galega cuxo número 0 aparece en Vigo no ano 1983. A creación deste Boletín foi unha iniciativa, entre outras, que levou adiante a sección de Vigo da Escola Dramática Galega (E.D.G) con sede na Coruña. Cando se decide, desafortunadamente, clausurar a sección de Vigo da EDG o Boletín pasará a denominarse Boletín de Información Teatral para mudar pouco despois en Información Teatral, máis tarde Información Teatral-Revista Galega de Teatro e definitivamente, desde o número 11, en Revista Galega de Teatro.

Unha pequena metamorfose guiada sempre polo obxectivo de “dar un paso máis no camiño da normalización teatral en Galicia” como xa podemos ler no número 0 daquelas “hojas volanderas” como alguén as chamou no Faro de Vigo cando apareceu. Normalización que consistía e consiste aínda en informar sobre a actividade teatral do país. Hai polo tanto unha continuidade na liña programática entre aquel primeiro Boletín de oito páxinas aparecido no “século pasado” e os últimos números aparecidos con máis de cen páxinas.

Estrutura interna e contidos.
Certamente existe unha continuidade pero con mutacións importantes.
Na actualidade a RGT é editada por unha Asociación Cultural sen ánimo de lucro denominada Entre bambalinas e conta cun equipo de redacción de once persoas todas elas relacionadas con diferentes aspectos do mundo do teatro desde a investigación á pedagoxía, a escritura, a xestión ou a práctica actoral: Che Mariño, Xosé M. Pazos, Pedro P. Riobó, Manuel F. Vieites, Lourdes Veiga, Inma Lòpez Silva, Vanesa Sotelo, Ricardo Solveira, Casilda Alfaro, Gonzalo Rodríguez, Roberto Pascual, Afonso Becerra e Antón Lamapereira. Desde este equipo de redacción, que foi ampliándose ao longo dos anos e do que tamén formaron parte Conchi Costas e Iria Méndez, vanse deseñando número a número os diferentes contidos da RGT.
A liña da revista sempre estivo presidida pola independencia de calquera opción partidista ou corporativa, a procura do rigor e a honestidade informativa, a atención preferente ao teatro galego pero con curiosidade por calquera aspecto de interese do teatro en xeral. E desde estes principios básicos intentamos estruturar os diferentes temas conxugando a información coa creación, a divulgación e o ensaio.
Ata o ano 1995 a revista foi buscándose a vida como puido recibindo patrocinio de Caixanova, a Concellaría de Cultura do Concello de Vigo, do Ministerio de Cultura e ata -e isto é digno de resaltar- da Compañía de Teatro de Ningures. Nestas circunstancias, como é fácil adiviñar, a súa periodicidade era irregular aínda que sempre pertinaz. É xustamente no ano 1995 cando se asina o 1º Convenio de Cooperación Cultural co Instituto Galego das Artes Escénicas e Musicais de Galicia ( IGAEM) Desde entón regularízase a súa aparición que nun primeiro momento foi trimestral para desde o ano 2000 converterse en trimestral. E niso estamos…

Edición de textos dramáticos.
Coincidindo co nº 8, comezaron a editarse dentro da mesma publicación textos dramáticos. Inaugurou a colección 2132 un texto que nos ofreceu Roberto Vidal Bolaño cando lle comentamos o proxecto; a súa factura pode resultar dramaticamente heterodoxa xa que o propio autor definiuno como “fragmentos dun guión para un cómic”. Tamén de Roberto, sen dúbida un dos nosos mellores dramaturgos, é Memoria de mortos e ausentes, edición de Pedro P. Riobó, publicado nun número especial dobre que lle dedicamos. Seguindo cos creadores galegos, apareceron textos, entre outros, de Euloxio R. Ruibal, Jenaro Mariñas do Val, Luísa Villalta, Manuel Forcadela, Xesús Pisón, Liño Braxe, Constantino Rábade, Raúl Dans, Manuel Lourenzo ou Xosé Manuel Pazos. E, referíndonos a algúns dos máis novos, citaremos a Patricia Piñeiro, Vanesa Martínez , Iván Caloto ou Rubén Ruibal..
Pero a nómina de autores publicados non ten fronteiras e a dramaturgos en lingua castelá tan significativos como Juan Mayorga, Iztiar Pascual, Ernesto Caballero, Jerónimo López Mozo, Pomba Pedrero, José Ramón Fernández, Elena Cánovas, Yolanda Pallín ou o mejicano Jaime Chabaud engádense os de lingua francesa como Michel Azama ou croata como Asja Srnec.
Aquí é necesario citar o acordo da RGT co Cercle Artistic de Ciutadella de Menorca, entidade que convoca anualmente o Premi Born de Teatre. Por medio deste acordo o Premio Born foi traducido por vez primeira ao galego na XXXI edición de 2006 gañada por Carlos Be con Origami e tamén o van ser os gañadores de futuras convocatorias.
O Premi Born será deste xeito o único premio de teatro que apareza traducido a tres das catro linguas do estado español: en galego, en catalán e en castelán. Esta circunstancia é sen dúbida un valor engadido para un galardón que xa está considerado como un dos máis prestixiosos e mellor dotados economicamente.
Son máis de corenta os textos aparecidos nos que predomina o sinal da contemporaneidade. Apostando polo contemporáneo facilitamos materiais en lingua galega con temáticas, problemas e situacións actuais que poden ser levadas a escena por calquera compañía profesional ou de grupos amateurs como sabemos que está sucedendo.
Por outra banda, sempre que podemos aproveitamos a aparición de cada número da RGT para dar a coñecer por medio de lecturas dramatizadas os autores e a súa obra. Preparamos as lecturas de tal forma que poidan participar nelas tanto actrices e actores profesionais como afeccionados. É o caso, por pór algún exemplo, da lectura na RESAD de Madrid da obra Terra polo medio de Ernesto Caballero, na que participaron intérpretes galegos estudantes de Arte Dramática con dirección de Ricardo Solveira; no Museo de Arte Contemporánea de Vigo do texto Act-Tress de Xosé Manuel Pazos con actrices de Teatro de Ningures; na Galería Sargadelos de Ferrol da lectura por parte de alumnas e alumnos do grupo de teatro dun instituto da cidade da obra Os facedores de bonecas de Belén Roca e tamén, na Galería Sargadelos de Lugo, a lectura do texto Rexurdimento de Afonso Becerra pola compañía Nove-Dous.

O Fondo Teatral “María Casares”
A Asociación Cultural Entre Bambalinas, ademais da edición da revista, colabora en diferentes iniciativas en prol da divulgación do teatro; a RGT é unha das revistas fundadoras da Rede de Publicacións do Instituto Internacional do teatro Mediterráneo -un interesante proxecto de coñecemento e cooperación entre diferentes revistas que urxe revitalizar- e forma parte tamén da Comisión Organizadora da Mostra de Cangas. Pero é o Fondo Teatral “María Casares” quen absorbe a maior dedicación. En que consiste? O Fondo Teatral “María Casares” está integrado na Biblioteca Pública de Cangas do Morrazo e é o resultado dun Convenio asinado no ano 1995 entre o Concello de Cangas, a Revista Galega de Teatro e a Compañía de Teatro de Ningures.
Formado inicialmente pola cesión de fondos bibliográficos e diversas coleccións de revistas especializadas destas dúas entidades vaise enriquecendo progresivamente grazas ás continuas achegas de libros e revistas que, recibidas na redacción, apúntanse na RGT e posteriormente pasan a inventariarse na Biblioteca.
Grazas a esta trasfega, hoxe o fondo conta con máis de seiscentos volumes de libros de literatura dramática, de teoría, pedagoxía e técnica teatral e na súa hemeroteca poden atoparse coleccións de revistas emblemáticas xa desaparecidas como “Pipirijaina” e “O Público”, ademais de “Primer Acto”, “ADE”, “Actores”, “El Pateo”, “Artez”, “Ñaque Expresión”, “Art Teatral”, “La ratonera”, “Entreacte”, “Escaramuza”, “CasaHamlet” ou as portuguesas “Artistas Unidos” ou “Adagio” e por suposto a RGT.É moi posible que a Biblioteca Pública de Cangas sexa a única en Galicia que dispoña deste servizo, un servizo que deberá potenciarse e divulgarse máis xa que nesta zona hai unha intensa actividade teatral reflectida na existencia de dúas compañías profesionais de teatro e un bo fato de grupos de teatro afeccionados e escolares.
En Cangas hai ademais unha programación estable de teatro e organízase a “Mostra Internacional de Teatro Cómico e Festivo” que chegou este verán de 2007 ao seu XXIV edición.
Por outra banda, a recente creación da Escola Superior de Arte Dramática de Galicia, situada na próxima cidade de Vigo, aumentará, máis tarde ou máis cedo, a demanda deste servizo bibliotecario.

Textos publicados na R.G.T.

rgt — Tue, 09 Oct 2007 13:53:33 +0000

A gaiola Jenaro Mariñas del Valle [nº 12]
Desourentación     Fernando Osorio do Campo [nº 13]
Ourense empalme   Vicente Montoto [nº 14]
Camiña xogando   Alfonso Armada; traducción, María Lourdes Vega Alonso [nº 15]
Mariana    José Ramón Fernández [nº 16]
Lexión   Juan Mayorga ; traducción, Xosé Manuel Pazos [nº16]
Santiago, Santiago   Manuel Forcadela [nº 17]
María Soliña   Xosé Manuel Pazos [nº 18]
Pequeno Organon   Bertolt Brecht ; traducción, María Vázquez [nº 19]
As vodas mortas   Asja Srnec ; versión ao galego, Pedro P. Riobó [nº20]
Holliday Aut., postal de amor    Itziar Pascual ; traducción, Xosé Manuel Pazos [nº 21]
Foreber Raul Dans [nº 22]
Belérian    Salvador del Río, Pedro P. Riobó, Marcos Vieitez [nº 23]
Memoria   Yolanda Pallín ; traducción, Xosé Manuel Pazos [nº 24]
Luscofusco : drama monofásico      Euloxio R. Ruibal, [nº 25]
A balada do cárcere de Circe Elena Cánovas , Rubén Cobos, Juan Carlos Talavera ; trad. José M. Pazos [nº26]
Venus podre ; Título ; Animal vacío ; Home e muller preñada ; O gran soño ; e Arañeira    Xesús Pisón [nº 27]
Guernica   Jerónimo López Mozo ; traducción D. Cortezón [nº 28]
Os dóces anos da guerra   Luísa Villalta [nº 29]
A sombra da memoria     Xosé Vázquez Pintor [nº 30]
As voces de Penélope   Itziar Pascual ; traducción, Xosé Manuel Pazos [nº31]
Silencios de guerra   Patricia Piñeiro [nº 32]
¡Sssh!    Iván Caloto [nº 32]
Memoria de mortos e ausentes      Roberto Vidal Bolaño ; edición de Pedro P. Riobó [nº 33-34]
Entradas e saídas ; A famila todosaconchegados   Jacques Prévert ; traducción, Henrique Harguindey [nº 35]
Campo sur    Lino Braxe [nº 36]
Os vivos e os mortos Ignacio García May ; traducción Xosé M. Pazos Varela [nº 37]
Cibernautas Constantino Rábade [nº 38]
Azotea Vanesa Martínez Sotelo [nº 39]
Unha chea de anos e un día Benxamín Rocha Coladas [nº 40]
Terra polo medio Ernesto Caballero [nº 41]
Os facedores de bonecas Belén Roca [nº 42]
Zoo nocturno Michel Azama [nº 43]
A illa amarilla   Paloma Pedrero ; traducción e dramaturxia, Ángeles Cuña Bóveda [nº 44]
Tres exercicios para café-teatro Xosé Manuel Pazos [nº 45]
Rexurdimento   Alfonso Becerra de Becerreá [nº 46]
Sen vergonzas Felipe Loza e Garbiñe Losada [nº 47]
Nunca durmo Rubén Ruibal [nº 48]
“Quo non vadis” La Pera Llimonera ; tradución ó galego, Héctor M. Pose [nº 49]
Origami Carlos Be [nº 50]
Belicosario Manuel Lourenzo [nº 51]
Pis Jaime Chabaud [nº 52]
Peep-Show Jacobo Paz [nº 53]
o show de kinsey Jesús Díez [nº 54]
Oasis Carles Batlle [nº 55]
Deus esta de vacacions   Anxos Sumai [nº 56]
Duas mamás Cándido Pazó [nº 57]
Esquecer Barcelona Carles Batlle ; traducción Afonso Becerra [nº 59]

A Opinión do público

rgt — Mon, 08 Oct 2007 21:16:25 +0000

Nesta páxina podes deixar a túa opinión sobre calquera espectáculo ao que asistiras recentemente

Críticas

rgt — Mon, 08 Oct 2007 19:34:38 +0000

Compañía: Teatro do Morcego Espectáculo:O club da calceta Director: Celso Parada Crítica: Inma López Silva	Compañía: Arela das Artes Espectáculo: Ifixenia en Áulide Directora: Charo Amador Crítica: Inma López Silva	Compañía:Teatro de Ningures Espectáculo: Bailadela da morte ditosa Director: Etelvino Vázquez Crítica: Roberto Pascual



Compañía: CDG Espectáculo: A boa persoa de Sezuán Director: Nuno Cardoso Crítica: Inma López Silva	Compañía: Matarile Teatro Espectáculo: Animales artificiales en París Director: Ana Vallés Crítica: Osvaldo Obregón

OUTRAS CRÍTICAS